Կոնսերվատորիայի Գիտական խորհուրդը ռեկտորի նախագահությամբ գործող կառավարման մարմին է, որը համակարգում և կարգավորում է բուհի ուսումնական, գիտական և գիտաստեղծագործական գործունեությունը։

Խորհուրդը հաստատում է Կոնսերվատորիայի կառուցվածքային ստորաբաժանումների կանոնակարգերն ու ներբուհական կարգապահական կանոնները. հաստատում է բուհի կրթական ծրագրերը, ուսումնական պլաններն ու առարկայական ծրագրերը. քննարկում հաստատության գիտական գործունեության գլխավոր և հեռանկարային ուղղությունները, լսում հաղորդումներ Կոնսերվատորիայում կատարվող գիտահետազոտական, ստեղծագործական և ուսումնամեթոդական աշխատանքների արդյունքների մասին:

Գիտխորհուրդը նաև իրականացնում է բուհի գիտական, ստեղծագործական և ուսումնամեթոդական գործունեությանն առնչվող այլ լիազորություններ, որոնք բխում են իր և Կոնսերվատորիայի կանոնադրություններից: Խորհրդի նիստերը հրավիրվում են ամիսը մեկ անգամ։