Ողջույնի խոսք

Սիրելի ուսանողներ, Երևանի Պետական կոնսերվատորիան համայն հայության երաժշտական բարձրագույն կրթական հաստատությունն է: Այն ունի հարուստ մշակութային ավանդույթներ: Հայաստանում գործող բոլոր երաժշտական կոլեկտիվներն ու անհատ կատարողները այս կոնսերվատորիայի սաներն են: Այստեղ դասավանդել և դասավանդում են միջազգային համբավ ու հարգ ունեցող երաժիշտներ: Այսօր էլ մեր կոնսերվատորիայի սաները հանդես են գալիս աշխարհի բեմերում և համալրում տարբեր երկրների պատվավոր երաժիշտների շարքերը:
Դուք այս օրվանից այս կոնսերվատորիայի համար և պատասխանատու անձ եք, և նրա հռչակն ու պատիվը կիսող երիտասարդ երաժիշտ:
Մաղթում եմ Ձեզ ուսման, մասնագիտական կատարելագործման արդյունավետ աշխատանք: Եվ վստահ եմ, որ Կոմիտասի անունը կրող կոնսերվատորիան Ձեր մասնագիտական կենսագրության մեջ կդառնա ամենակարևոր օջախը:


                                ԵՊԿ ռեկտոր, պրոֆ.՝ ՇԱՀԵՆ  ՇԱՀԻՆՅԱՆ

Հայ Օգնության Ֆոնդի և Երևանի Կոմիտասի անվան պետական կոնսերվատորիայի համագործակցությունը

Օրեր առաջ Կոնսերվատորիայի ժողովրդական նվագարանների ֆակուլտետի ուսանողները  ՀՕՖ-ի կրթական ծրագրերում ընդգրկված ուսանողների հետ միասին բարեգործական առաքելությամբ այցելեցին Վանաձորի տարեցների տուն։

Հայ Օգնության Ֆոնդի անունից խորին շնորհակալություն ենք հայտնում անձամբ ռեկտոր՝ պրոֆեսոր Շահեն Շահինյանին և Երևանի Կոմիտասի անվան պետական կոնսերվատորիային, ժողովրդական նվագարանների և ժողովրդական երգի ֆակուլտետի ուսանողներին՝ ՀՕՖ-ի Վանաձորի տարեցների տան բնակիչների համար կազմակերպած գեղեցիկ ու հրաշալի համերգի համար: Արդեն ավանդույթ դարձած այս գեղեցիկ միջոցառումը Էլ ավելի է սերտացնում մեր համագործակցությունը, մեծ ուրախություն ու անմոռանալի պահեր պարգևում  մեր տարեցներին:

Read more ...

ԸՆԴՈՒՆԵԼՈՒԹՅՈՒՆ 2017-2018

Հերթական հաղթանակը

Մոսկվայում կայացած «Золотая маска» փառատոնի մրցանակաբաշխությանը, մեր շրջանավարտ, Ալ.Սպենդիարյանի անվան օպերայի և բալետի ազգային ակադեմիական թատրոնի մեներգիչ Լիպարիտ Ավետիսյանը՝ «Լավագույն տղամարդու դերակատարում» անվանակարգում արժանացավ մրցանակի, Մոսկվայի Կ.Ստանիսլավսկու և Վ.Նիմերովիչ-Դանչեկոյի երաժշտական թատրոնի բեմադրած «Մանոն» օպերայում Շեվալյե դե Գրիյե դերերգի կատարման համար: