Ողջույնի խոսք

Սիրելի ուսանողներ, Երևանի Պետական կոնսերվատորիան համայն հայության երաժշտական բարձրագույն կրթական հաստատությունն է: Այն ունի հարուստ մշակութային ավանդույթներ: Հայաստանում գործող բոլոր երաժշտական կոլեկտիվներն ու անհատ կատարողները այս կոնսերվատորիայի սաներն են: Այստեղ դասավանդել և դասավանդում են միջազգային համբավ ու հարգ ունեցող երաժիշտներ: Այսօր էլ մեր կոնսերվատորիայի սաները հանդես են գալիս աշխարհի բեմերում և համալրում տարբեր երկրների պատվավոր երաժիշտների շարքերը:
Դուք այս օրվանից այս կոնսերվատորիայի համար և պատասխանատու անձ եք, և նրա հռչակն ու պատիվը կիսող երիտասարդ երաժիշտ:
Մաղթում եմ Ձեզ ուսման, մասնագիտական կատարելագործման արդյունավետ աշխատանք: Եվ վստահ եմ, որ Կոմիտասի անունը կրող կոնսերվատորիան Ձեր մասնագիտական կենսագրության մեջ կդառնա ամենակարևոր օջախը:


                                ԵՊԿ ռեկտոր, պրոֆ.՝ ՇԱՀԵՆ  ՇԱՀԻՆՅԱՆ

Կոնսերվատորիան դեպի ERASMUS+

Մարտի 6-ին Երևանի Կոմիտասի անվան կոնսերվատորիան հյուրընկալեց Էրազմուս+ Հայաստանյան Ազգային գրասենյակի մասնագետներին: Հանդիպմանը ներկա էին կոնսերվատորիայի ուսանողներն ու դասախոսները, ուր քննարկվեցին Էրազմուս+ միջազգային ծրագրերին մասնակցելու հնարավորությունները:

Read more ...

Արամ Խաչատրյանի անվան 13-րդ միջազգային մրցույթ

2017 թվականի հունիսի 6-ին, Արամ Խաչատրյանի ծննդյան օրը, կմեկնարկի մեծ կոմպոզիտորի անունը կրող միջազգային մրցույթը: Արդեն ավանդույթ դարձած մրցույթը այս տարի առաջին անգամ կանցկացվի «վոկալ» մասնագիտությամբ:

Read more ...

Երևանյան ունկնդրումներ. Վ.Կրայնևի անվան դաշնակահարների մոսկովյան միջազգային 2-րդ մրցույթ

Ս/թ. փետրվարի 26–ին, Երևանի Կոմիտասի անվան պետական կոնսերվատորիայի համերգային դահլիճում կայացավ Վլադիմիր Կրայնևի անվան դաշնակահարների մոսկովյան միջազգային 2-րդ մրցույթի կենդանի ունկնդրումների երևանյան փուլը: Ունկնդրումը հաղորդվեց ուղիղ հեռարձակմամբ: Մրցույթը նախատեսված է երկու տարիքային խմբի համար՝ մինչև 13 և 13-18 տարեկան: Հայաստանից մասնակցում էին վեց պատանի դաշնակահարներ: Հանձնախմբի կազմում էին անվանի դաշնակահարներ, միջազգային մրցույթների դափնեկիրներ՝ մրցույթի գեղարվեստական ղեկավար և ժյուրիի նախագահ Ալեքսանդր Ռոմանովսկին /Ուկրաինա-Իտալիա/, ՌԴ ժողովրդական արտիստ Վլադիմիր Օվչիննիկովը /Ռուսաստան/ և ՀՀ վաստակավոր արտիստ, ԵՊԿ պրոֆեսոր Արմեն Բաբախանյանը /Հայաստան/: Մրցույթի կիսաեզրափակիչ փուլ կանցնեն 10-ական մասնակից ամեն տարիքային խմբում, որոնցից կընտրվեն եզրափակիչ փուլի մասնակիցները: Եզրափակիչ փուլը տեղի կունենա մարտին, Մոսկվայում:

Read more ...