Ողջույնի խոսք

Սիրելի ուսանողներ, Երևանի Պետական կոնսերվատորիան համայն հայության երաժշտական բարձրագույն կրթական հաստատությունն է: Այն ունի հարուստ մշակութային ավանդույթներ: Հայաստանում գործող բոլոր երաժշտական կոլեկտիվներն ու անհատ կատարողները այս կոնսերվատորիայի սաներն են: Այստեղ դասավանդել և դասավանդում են միջազգային համբավ ու հարգ ունեցող երաժիշտներ: Այսօր էլ մեր կոնսերվատորիայի սաները հանդես են գալիս աշխարհի բեմերում և համալրում տարբեր երկրների պատվավոր երաժիշտների շարքերը:
Դուք այս օրվանից այս կոնսերվատորիայի համար և պատասխանատու անձ եք, և նրա հռչակն ու պատիվը կիսող երիտասարդ երաժիշտ:
Մաղթում եմ Ձեզ ուսման, մասնագիտական կատարելագործման արդյունավետ աշխատանք: Եվ վստահ եմ, որ Կոմիտասի անունը կրող կոնսերվատորիան Ձեր մասնագիտական կենսագրության մեջ կդառնա ամենակարևոր օջախը:


                                ԵՊԿ ռեկտոր, պրոֆ.՝ ՇԱՀԵՆ  ՇԱՀԻՆՅԱՆ

Արվեստի բուհերը համագործակցում են

Այսօր Երևանի Կոմիտասի անվան պետական կոնսերվատորիայում արվեստի երեք բուհերի ռեկտորներ՝ Շահեն Շահինյանը, Արամ Իսաբեկյանն ու Դավիթ Մուրադյանը, կոնսերվատորիայի նախաձեռնությամբ համագործակցության հուշագիր են ստորագրել: Փաստաթուղթն առաջիկա հինգ տարվա համար է: Երևանի պետական կոնսերվատորիայի, Երևանի գեղարվեստի պետական ակադեմիայի և Երևանի թատրոնի և կինոյի պետական ինստիտուտի ուսանողները ընդգրկվելու են համատեղ ծրագրերում: Բուհերի ռեկտորները նշեցին, որ արվեստի բուհերի միջև համագործակցությունը մինչ այս էլ կար, սակայն այսուհետ այդ կապերն առավել կսերտանան: Արդեն երկուշաբթի կմեկնարկի երեք կրթօջախների ուսանողների մասնակցությամբ «Արվեստի բուհերի շաբաթ» ծրագիրը:

Շահեն Շահինյանը վերընտրվել է Կոնսերվատորիայի ռեկտոր

Երեւանի Կոմիտասի անվան պետական կոնսերվատորիայում ս․թ․ նոյեմբերի 18֊ին կայացել են ռեկտորի ընտրությունները: ԲՈՒՀ֊ի կառավարման խորհրդի նիստի ժամանակ ներկա են գտնվել խորհրդի 24 անդամներից 23֊ը։ Ներկա 23 անդամները կողմ են քվեարկել միակ թեկնածու, ԲՈՒՀ-ը վերջին 5 տարիներին ղեկավարած Շահեն Շահինյանի օգտին: Նիստի ժամանակ պարոն Շահինյանը կառավարման խորհրդի անդամներին հաշվետվություն է ներկայացրել հինգ տարվա ընթացքում կատարած աշխատանքների մասին և ծանոթացրել կոնսերվատորիայի առաջիկա հինգ տարիների զարգացման իր ծրագրի հիմնադրույթների հետ։ Հիշեցնենք, որ ս․թ․ հոկտեմբերի 7֊ից նոյեմբերի 7֊ը համաձայն ՀՀ կրթության և գիտության նախարարությամ կողմից հայտարարված ռեկտորի թափուր պաշտոնի համար մրցույթի, թեկնածուների հայտերը անհրաժեշտ էր ներկայացնել ՀՀ ԿԳ նախարարություն։

Read more ...

Վարպետության դասեր

 

 

 

 

Նոյեմբերի 14-16 կոնսերվատորիայի 4-րդ հարկի դահլիճում և փողային գործիքների ամբիոնում

կանցկացվեն վարպետության դասեր I’ Culture Orchestra նախագծի շրջանակներում: Դասերը

կանցկացնեն Լեոն Բոշը /կոնտրաբաս/ և Ջեֆ Բրայանթը /գալարափող/:

Վարպետության դասերին կարող են մասնակցել 17-28 տարեկան երաժիշտներ: 

 

 

 

 

Վարպետության դասերի ժամանակացույց՝

Լարային գործիքներ՝ 4-րդ հարկի դահլիճ

Պղնձյա փողային գործիքներ՝ փողային գործիքների ամբիոն

14 ՆՈՅԵՄԲԵՐ

12.00 - 15.00 - լարային և պղնձյա փողային գործիքներ

16.30-19.00 - լարային և պղնձյա փողային գործիքներ

15 ՆՈՅԵՄԲԵՐ

10.00 - 13.30 - լարային և պղնձյա փողային գործիքներ

15.00-18.00 - լարային և պղնձյա փողային գործիքներ

16 ՆՈՅԵՄԲԵՐ

10.00 - 13.30 - լարային և պղնձյա փողային գործիքներ

15.00-18.00 - լարային և պղնձյա փողային գործիքներ