Welcome!

Սիրելի ուսանողներ, Երևանի Պետական կոնսերվատորիան համայն հայության երաժշտական բարձրագույն կրթական հաստատությունն է: Այն ունի հարուստ մշակութային ավանդույթներ: Հայաստանում գործող բոլոր երաժշտական կոլեկտիվներն ու անհատ կատարողները այս կոնսերվատորիայի սաներն են: Այստեղ դասավանդել և դասավանդում են միջազգային համբավ ու հարգ ունեցող երաժիշտներ: Այսօր էլ մեր կոնսերվատորիայի սաները հանդես են գալիս աշխարհի բեմերում և համալրում տարբեր երկրների պատվավոր երաժիշտների շարքերը:
Դուք այս օրվանից այս կոնսերվատորիայի համար և պատասխանատու անձ եք, և նրա հռչակն ու պատիվը կիսող երիտասարդ երաժիշտ:
Մաղթում եմ Ձեզ ուսման, մասնագիտական կատարելագործման արդյունավետ աշխատանք: Եվ վստահ եմ, որ Կոմիտասի անունը կրող կոնսերվատորիան Ձեր մասնագիտական կենսագրության մեջ կդառնա ամենակարևոր օջախը:


                                ԵՊԿ ռեկտոր, պրոֆ.՝ ՇԱՀԵՆ  ՇԱՀԻՆՅԱՆ

Հայ երիտասարդ երգիչների փայլուն հաղթանակը

Վրաստանում կայացած Նոդար Անգուլաձեի անվան երիտասարդ մեներգիչների միջազգային մրցույթում հայ երգիչները փայլուն ելույթներ ունեցան, զարմացնելով թե ժյուրիի անդամներին և թե հանդիսատեսին իրենց հիանալի ձայնային տվյալներով, մասնագիտական պատրաստվածությամբ և ակադեմիական ու էմոցիոնալ կատարումներով: Բոլոր հինգ երգիչները արժանացան ամենաբարձր մրցանակների: Նրանց անուններն են. Մարիամ Ալոյան - Գրան Պրի՝ ԵՊԿ մագիստրտուրայի 1-ին կուրսի ուսանող, երկու առաջին մրցանակ՝ Հովհաննես Անդրեասյան – ԵՊԿ շրջանավարտ և պատանի Արտյոմ Ասմանգուլյան՝ Ռ.Անդրեասյանի անվան երաժշտական դպրոցի սան, երկու երկրորդ մրցանակ՝ Հովհաննես Կարապետյան – ԵՊԿ բակալավրիատի 3-րդ կուրսի ուսանող և Արուսյակ Դավթյան – ԵՊԿ շրջանավարտ:

Երևանի Կոմիտասի անվան պետական կոնսերվատորիայի ռեկտորատը շնորհավորում է բոլոր մրցանակակիրներին:

Համագործակցության շարունակություն

 

«Արվեստի բուհերի շաբաթ» նախագծի շրջանակներում նախատեսվում է ձևավորել ուսանողնական երգչախումբ, ուր կընդգրկվեն երեք բուհերի՝ Երևանի Կոմիտասի անվան պետական կոնսերվատորիայի, Երևանի գեղարվեստի պետական ակադեմիայի և Երևանի թատրոնի և կինոյի պետական ինստիտուտի ուսանողները: Մանրամասն տեղեկությունների համար դիմել կոնսերվատորիա թիվ 208 սենյակ:

Ռուսաստանի Մեծ թատրոնը հայտարարում է լսումներ «Երիտասարդական Օպերային Ծրագիր» նախագծում ընդգրկվելու համար

Հայտարարվում են լսումներ Ռուսաստանի Մեծ թատրոնի 2017-18թթ. թատերաշրջանի Երիտասարդական օպերային ծրագրում ընդգրկվելու համար՝ մենակատար-երգիչ մասնագիտությամբ: Լսումներին կարող են մասնակցել 1983-1997թթ. ընկած ժամանակաշրջանում ծնված կատարողներ, ովքեր ստացել են երաժշտական բարձրագույն կրթություն կամ դեռևս սովորում են բուհում: Մրցութային լսումների անցկացման կարգի մասին և հայտերը ներկայացնելու համար կարող եք տեղեկանալ ստորև նշված հասցեյով՝ http://bolshoi.ru/about/press/articles/none/5121/ Լսումները կանցկացվեն հունիսի 3-ին Երևանի Կոմիտասի անվան պետական կոնսերվատորիայում: