Ողջույնի խոսք

Սիրելի ուսանողներ, Երևանի Պետական կոնսերվատորիան համայն հայության երաժշտական բարձրագույն կրթական հաստատությունն է: Այն ունի հարուստ մշակութային ավանդույթներ: Հայաստանում գործող բոլոր երաժշտական կոլեկտիվներն ու անհատ կատարողները այս կոնսերվատորիայի սաներն են: Այստեղ դասավանդել և դասավանդում են միջազգային համբավ ու հարգ ունեցող երաժիշտներ: Այսօր էլ մեր կոնսերվատորիայի սաները հանդես են գալիս աշխարհի բեմերում և համալրում տարբեր երկրների պատվավոր երաժիշտների շարքերը:
Դուք այս օրվանից այս կոնսերվատորիայի համար և պատասխանատու անձ եք, և նրա հռչակն ու պատիվը կիսող երիտասարդ երաժիշտ:
Մաղթում եմ Ձեզ ուսման, մասնագիտական կատարելագործման արդյունավետ աշխատանք: Եվ վստահ եմ, որ Կոմիտասի անունը կրող կոնսերվատորիան Ձեր մասնագիտական կենսագրության մեջ կդառնա ամենակարևոր օջախը:


                                ԵՊԿ ռեկտոր, պրոֆ.՝ ՇԱՀԵՆ  ՇԱՀԻՆՅԱՆ

Մեր շրջանավարտի փայլուն հաղթանակը

Բարսելոնայում կայացած «Maria Canals» 63-րդ միջազգային մրցույթում Երևանի Կոմիտասի անվան պետական կոնսերվատորիայի շրջանավարտ դաշնակահար Լևոն Ավագյանը փայլուն ելույթ ունեցավ՝ մրցելով աշխարհի 80 լավագույն դաշնակահարների հետ:  Այս հեղինակավոր մրցույթը բաղկացած էր չորս փուլից, ուր հայ երիտասարդն անցնելով 3 փուլ, անցավ մրցույթի եզրափակիչ փուլ և գրավեց 1-ին տեղը, ինչպես նաև արժանացավ հատուկ մրցանակների:

Սրտանց շնորհավորում ենք Լևոն Ավագյանին և նրա դասախոս պրոֆեսոր Վաղարշակ Հարությունյանին այս մեծ ձեռքբերման կապակցությամբ և հպարտանում մեր շրջանավարտով:

Արվեստի բուհեր 2017

Արվեստի բուհերի համագործակցության շրջանակներում ապրիլի 10-ին ժամը 16.00 Պետական

կամերային երաժշտական թատրոնում տեղի կունենա կոնսերվատորիայի դասախոսներ, ուսանողների և

շրջանավարտների ուժերով բեմադրված «Անուշ» երաժշտական դրամայի ցուցադրում-քննարկումը:

Բոլոր ցանկացողները կարող են ներկա գտնվել և մասնակցել քննարկումներին:

Մուտքն ազատ է: