Հանդիպում Հայաստանում Վրաստանի դեսպանի հետ

Ս/թ. փետրավի 7-ին Երևանի Կոմիտասի անվան պետական կոնսերվատորիայի ռեկտորի պաշտոնակատար Սոնա Հովհաննիսյանը հյուրընկալեց Հայաստանի Հանրապետությունում Վրաստանի Հանրապետության Արտակարգ և լիազոր դեսպան Ն. Գ. պարոն Գիորգի Սագանելիձեին: Հանդիպման ընթացքում քննարկվեցին կրթական և մշակութային համագործակցության հետագա զարգացման ուղիները:

Ավելին …

2019 թվականի առաջին Գիտխորհուրդը

Հունվարի 31-ին տեղի ունեցավ ԵՊԿ Գիտխորհրդի 2019-ի առաջին նիստը:

Օրակարգում առաջին կիսամյակի քննաշրջանի նախնական ամփոփումն էր: Ֆակուլտետների դեկանները ներկայացրեցին քննաշրջանի արդյունքները՝ գնահատման նոր համակարգի սանդղակով:

Գիտքարտուղարը ներկայացրեց հունվար ամսի հոբելյանական և նշանակալի իրադարձությունները:

Պրոռեկտորները ներկայացրեցին անցած ժամանակահատվածի կատարած աշխատանքները:

Ռեկտորի պաշտոնակատարն իր խոսքում անդրադարձավ վերջին ժամանակահատվածում կատարած աշխատանքին և ուշադրություն հրավիրեց մոտակա հրատապ անելիքներին, այդ թվում, ուսանողական խորհրդի կազմի ու կանոնակարգի ձևավորմանը, այնուհետև ուսանողության ակտիվ մասնակցությանը ԵՊԿ կառավարման աշխատանքին:

Ավելին …

Պաշտոնավարման 40 օրյա հեռավորությունից

Հարգելի գործընկերներ
Իմ պաշտոնակատար նշանակվելու ժամանակահատվածը համընկավ տարեվերջի և ուսումնական տարվա առաջին կիսամյակի ավարտի հետ: Տեղյակ եք նաև, որ մեկ շաբաթ առաջ ավարտվեց պետական աուդիտը, ինչպես նաև լրանում է կոնսերվատորիայի միջազգային հավատարմագրման քառամյա շրջանը:

Այս 40 աշխատանքային օրերի ընթացքում ես հանդիպել եմ ուսանողների և պրոֆեսորադասախոսական կազմի հետ ամբիոն առ ամբիոն: Հանդիպել եմ նաև կոնսերվատորիայի վարչական կազմի հետ: Քնարկվել են տարաբնույթ խնդիրներ, հնչել են առաջարկություններ: Պրոֆեսորադասախոսական կազմին ներկայացրել եմ իմ պատկերացումները ողջ անձնակազմի ատեստավորման, միևնույն գործառույթներ ունեցող երկու ամբիոնների, հասարակագիտական և լեզուների ամբիոնների միավորման մասին: Առաջարկել եմ գնահատման կարգի հետ կապված բարեփոխումներ: Խոսել եմ ուսումնական ծրագրերի նորացման, ուսանողների կողմից կամընտրական առարկաների ցանկի ընդլայնման, դասացուցակների բարելավման և ուսանողներին դասարաններ տրամադրելու մեխանիզմների, ընդունելության քննությունների խստացման մասին:

Ավելին …