Ողջույնի խոսք

Սիրելի ուսանողներ, Երևանի Պետական կոնսերվատորիան համայն հայության երաժշտական բարձրագույն կրթական հաստատությունն է: Այն ունի հարուստ մշակութային ավանդույթներ: Հայաստանում գործող բոլոր երաժշտական կոլեկտիվներն ու անհատ կատարողները այս կոնսերվատորիայի սաներն են: Այստեղ դասավանդել և դասավանդում են միջազգային համբավ ու հարգ ունեցող երաժիշտներ: Այսօր էլ մեր կոնսերվատորիայի սաները հանդես են գալիս աշխարհի բեմերում և համալրում տարբեր երկրների պատվավոր երաժիշտների շարքերը:
Դուք այս օրվանից այս կոնսերվատորիայի համար և պատասխանատու անձ եք, և նրա հռչակն ու պատիվը կիսող երիտասարդ երաժիշտ:
Մաղթում եմ Ձեզ ուսման, մասնագիտական կատարելագործման արդյունավետ աշխատանք: Եվ վստահ եմ, որ Կոմիտասի անունը կրող կոնսերվատորիան Ձեր մասնագիտական կենսագրության մեջ կդառնա ամենակարևոր օջախը:


                                ԵՊԿ ռեկտոր, պրոֆ.՝ ՇԱՀԵՆ  ՇԱՀԻՆՅԱՆ

2017-2018 ուսումնական տարվա ընդունելության քննությունների արդյունքներ

Ստորև ներկայացված են 2017-2018 ուսումնական տարվա ընդունելության քննությունների արդյունքները.

Ներբեռնել

«Հայաստան» համահայկական հիմնադրամի ընտրեց այս տարվա լավագույն ուսանողին

2008 թվականից բարերարներ Հրայր և Մարթա Ալբարյանները «Հայաստան» համահայկական հիմնադրամի միջոցով անվանական կրթաթոշակ են հատկացնում Երևանի պետական կոնսերվատորիայի լավագույն ուսանողներին։ Ամեն տարի կոնսերվատորիայի գերազանաց սովորող և հանրային ու համերգային ակտիվություն ցուցաբերող մեկ ուսանող արժանանում է 500 ԱՄՆ դոլարին համարժեք կրթաթոշակի։ Կոնսերվատորիան ներկայացնում է լավագույն ուսանողների հայտերը Հիմնադրամին, իսկ բարերարներն ընտրում են կրթաթոշակի արժանի թեկնածուին։

Այս տարի այն հատկացվեց Երևանի Կոմիտասի անվան պետական կոնսերվատորիայի ուսանող, ջութակահար Շուշանիկ Մուրադխանյանին:

The Salamanca Band and Bugles of the Rifles նվագախումբը Երևանի Կոմիտասի անվան պետական կոնսերվատորիայում

Երևանում է Մեծ Բրիտանիայի և Հյուսիսային Իռլանդիայի Միացյալ Թագավորության ՊՆ ռազմական նվագախումբը: Հունիսի 21-ին նվագախումբը վարպետության դասընթացներ է անցկացրել Երևանի Կոմիտասի անվան պետական կոնսերվատորիայում: Կոնսերվատորիայի օպերային ստուդիայի դահլիճում հյուրերը բուհի ուսանողների հետ համատեղ հանդես են եկել նաև համերգով:

Ռազմական նվագախումը բացօթյա համերգ կունենա նաև Ազատության հրապարակում հունիսի 23-ին ժամը 19.00: