Ողջույնի խոսք

Սիրելի ուսանողներ, Երևանի Պետական կոնսերվատորիան համայն հայության երաժշտական բարձրագույն կրթական հաստատությունն է: Այն ունի հարուստ մշակութային ավանդույթներ: Հայաստանում գործող բոլոր երաժշտական կոլեկտիվներն ու անհատ կատարողները այս կոնսերվատորիայի սաներն են: Այստեղ դասավանդել և դասավանդում են միջազգային համբավ ու հարգ ունեցող երաժիշտներ: Այսօր էլ մեր կոնսերվատորիայի սաները հանդես են գալիս աշխարհի բեմերում և համալրում տարբեր երկրների պատվավոր երաժիշտների շարքերը:
Դուք այս օրվանից այս կոնսերվատորիայի համար և պատասխանատու անձ եք, և նրա հռչակն ու պատիվը կիսող երիտասարդ երաժիշտ:
Մաղթում եմ Ձեզ ուսման, մասնագիտական կատարելագործման արդյունավետ աշխատանք: Եվ վստահ եմ, որ Կոմիտասի անունը կրող կոնսերվատորիան Ձեր մասնագիտական կենսագրության մեջ կդառնա ամենակարևոր օջախը:


                                ԵՊԿ ռեկտոր, պրոֆ.՝ ՇԱՀԵՆ  ՇԱՀԻՆՅԱՆ

Համագործակցության հեռանկարներ

Ս/թ. մայիսի 21-ին Երևանի պետական կոնսերվատորիան հյորընկալեց Բեռլինի Արվեստների Ակադեմիայի ռեկտոր, պրոֆսեր Մարտին Ռեներտին: Հանդիպման ընթացքում քննարկվեցին բուհերի հետագա համագործակցության հարցերը:

Մեր բարերարը

Ս/թ. մայիսի 16 կոնսերվատորիայի դաշնամուրային մասնագիտական դասարաններից մեկը անվանվեց շվեյցարաբնակ հայ բարերա Ռոդոլֆ Ալթիփարմակյանի անունով: Պարոն Ալթիփարմակյանը մեր բուհի երկարամյա անշահախնդիր բարեկամն է և մշտապես օգնություն է ցուցաբերում մեր ուսանողներին:

Գործընկերային հանդիպում

Ս/թ. մայիսի 14-ին կոնսերվատորիայում, BOOST ծրագրի շրջանակներում, հանդիպեցին կոնսերվատորիայի, Շիրակի և Վանաձորի համալսարանների ներկայացուցիչները և քննարկեցին կրթական ծրագրերի ձևաչափը միջազգայնացման գործընթացում: