Պաշտոնավարման 40 օրյա հեռավորությունից

Հարգելի գործընկերներ
Իմ պաշտոնակատար նշանակվելու ժամանակահատվածը համընկավ տարեվերջի և ուսումնական տարվա առաջին կիսամյակի ավարտի հետ: Տեղյակ եք նաև, որ մեկ շաբաթ առաջ ավարտվեց պետական աուդիտը, ինչպես նաև լրանում է կոնսերվատորիայի միջազգային հավատարմագրման քառամյա շրջանը:

Այս 40 աշխատանքային օրերի ընթացքում ես հանդիպել եմ ուսանողների և պրոֆեսորադասախոսական կազմի հետ ամբիոն առ ամբիոն: Հանդիպել եմ նաև կոնսերվատորիայի վարչական կազմի հետ: Քնարկվել են տարաբնույթ խնդիրներ, հնչել են առաջարկություններ: Պրոֆեսորադասախոսական կազմին ներկայացրել եմ իմ պատկերացումները ողջ անձնակազմի ատեստավորման, միևնույն գործառույթներ ունեցող երկու ամբիոնների, հասարակագիտական և լեզուների ամբիոնների միավորման մասին: Առաջարկել եմ գնահատման կարգի հետ կապված բարեփոխումներ: Խոսել եմ ուսումնական ծրագրերի նորացման, ուսանողների կողմից կամընտրական առարկաների ցանկի ընդլայնման, դասացուցակների բարելավման և ուսանողներին դասարաններ տրամադրելու մեխանիզմների, ընդունելության քննությունների խստացման մասին:

Ավելին …

Կոմիտասի անվան ԵՊԿ ուսումնական գծով պրոռեկտոր Արամ Հովհաննիսյան` հեռանկարներ


Կրթական և առարկայական ծրագրեր

  • Ծրագրերի մանրակրկիտ ուսումնասիրություն, արդյունավետության վերլուծություն, հնարավոր
    առաջարկների կամ փոփոխությունների քննարկում ամբիոնների ղեկավարների և դասախոսական կազմի
    հետ։

Կոնսերվատորիայի նվագախմբեր և երգչախումբ

  • Ուսանողական սիմֆոնիկ նվագախմբի վերակազմավորում:
  • Ուսանողական փողային նվագախմբի ստեղծում՝ սկսնակ և առաջադեմ խմբերով:
  • Ուսանողական երգչախմբի/երգչախմբերի ստեղծում:
Ավելին …

Կոմիտասի անվան ԵՊԿ գիտական գծով պրոռեկտոր Ծովինար Մովսիսյան` հեռանկարներ

Անցած մեկ ամիսը հագեցած էր հանդիպումներով, խորհրդակցություններով, զրույցներով, որոնց ընթացքում հնարավորություն ունեցանք պատկերացում կազմել իրավիճակի մասին, մինչ այժմ կատարված աշխատանքի մասին և ուրվագծել ԵՊԿ հետագա գործունեության հեռանկարը։

Ավելին …