Ջերմ մթնոլորտում մեծ հաջողությամբ հոկտեմբերի 5-ին Արամ Խաչատրյան տուն-թանգարանում կայացավ հայ-իտալական՝ Երևանի Կոմիտասի անվան պետական կոնսերվատորիայի և Ուդինեի Յակոպո Տոմադինիի անվան պետական կոնսերվատորիայի ուսանողների համատեղ համերգը, որպես բուհերի համագործակցության արդյունք:

 

Համերգի նախօրեին, չորս օրերի ընթացքում ԵՊԿ-ում երկու բուհերի ուսանողների  մասնակցությամբ իրականացվեցին կամերային նվագախմբի փորձեր, վարպետության դասեր և դասախոսություններ հայ և իտալացի պրոֆեսորների կողմից: Հյուրերի համար կոնսերվատորիայի ժողովրդական նվագարանների և երգեցողության ամբիոնի կողմից կազմակերպվեց համերգ՝ ներկայացնելու մեր ժողովրդական արվեստը: