Ողջույնի խոսք

Սիրելի ուսանողներ, Երևանի Պետական կոնսերվատորիան համայն հայության երաժշտական բարձրագույն կրթական հաստատությունն է: Այն ունի հարուստ մշակութային ավանդույթներ: Հայաստանում գործող բոլոր երաժշտական կոլեկտիվներն ու անհատ կատարողները այս կոնսերվատորիայի սաներն են: Այստեղ դասավանդել և դասավանդում են միջազգային համբավ ու հարգ ունեցող երաժիշտներ: Այսօր էլ մեր կոնսերվատորիայի սաները հանդես են գալիս աշխարհի բեմերում և համալրում տարբեր երկրների պատվավոր երաժիշտների շարքերը:
Դուք այս օրվանից այս կոնսերվատորիայի համար և պատասխանատու անձ եք, և նրա հռչակն ու պատիվը կիսող երիտասարդ երաժիշտ:
Մաղթում եմ Ձեզ ուսման, մասնագիտական կատարելագործման արդյունավետ աշխատանք: Եվ վստահ եմ, որ Կոմիտասի անունը կրող կոնսերվատորիան Ձեր մասնագիտական կենսագրության մեջ կդառնա ամենակարևոր օջախը:


                                ԵՊԿ ռեկտոր, պրոֆ.՝ ՇԱՀԵՆ  ՇԱՀԻՆՅԱՆ

Համագործակցությունը շարունակվում է

Ս/թ. սեպտեմբերի 18-ին Երևանի Կոմիտասի անվան պետական կոնսերվատորիայի ռեկտոր, պրոֆեսոր Շահեն Շահինյանը հյուրընկալեց Շոտլանդիայի Թագավորական ակադեմիայի օպերային պատրաստման բաժնի ղեկավար, պրոֆեսոր Ֆիլիպ Վայթին, որը համագործակցության շրջանակներում ժամանել է Երևան, վարպետության դասեր և լսումներ անցկացնելու համար:

Ավելին …

Բրավո կոնսերվատորիա

Մեր ավանդական գործընկերոջ՝ Լեհաստանի Ադամ Միցկեվիչի ինստիտուտի կողմից իրականցվող I,CULTURE Orchestra նախագծի ղեկավարի գնահատականը՝ Երևանի Կոմիտասի անվան պետական կոնսերվատորիայի մասնագետների և ուսանողների վերաբերյալ:

Ավելին …

ERASMUS+ BOOST ծրագրի առաջին միջազգային գիտաժողովը մեզ մոտ

     

        Հրավիրում ենք մասնակցելու «Բարձրագույն կրթության միջազգայնացման հեռանկարները» խորագրով միջազգային համաժողովին, որը տեղի կունենա 2018թ. սեպտեմբերի 27-ին, ժամը 10-ին Երևանի Կոմիտասի անվան պետական կոնսերվատորիայում, ERASMUS+ BOOST («Հայաստանյան hամալսարանների միջազգայնացման ռազմավարության և մարքետինգի խթանում») ծրագրի շրջանակներում:
        ERASMUS+ BOOST եռամյա (2016-2019թթ.) ծրագրի նպատակն է ազգային և ինստիտուցիոնալ քաղաքականության և գործիքակազմի մշակման միջոցով ամրապնդել և խթանել Հայաստանում բարձրագույն կրթության միջազգայնացումը:
        Համաժողովի ընթացքում մեր արտասահմանցի գործընկերները, կներկայացնեն իրենց փորձը համալսարանների միջազգայնացման, ակադեմիական շարժունության, զարգացման հեռանկարների, անհրաժեշտ միջմշակութային հաղորդակցման հմտությունների ձևավորման վերաբերյալ:
        Համաժողովն իրականացվելու է երեք հիմնական բաժիններով՝

            ⦁ Բարձրագույն կրթության միջազգայնացման ռազմավարական մոտեցումները
            ⦁ Բարձրագույն կթրության միջազգայնացման խթանման և գրավչության բարձրացման միջոցները
            ⦁ Բարձրագույն կրթության միջազգայնացման լավագույն փորձը:

        Աշխատանքային լեզուներն են հայերեն և անգլերեն՝ համաժամանակյա թարգմանությամբ:
        Համաժողովին մասնակցելու համար անհրաժեշտ է գրանցվել մինչև սույն թվականի սեպտեմբերի 20-ը հետևյալ հղմամբ՝

        https://goo.gl/forms/qjX9yj34CRZ8uA9r1